قصه حب مع قصيده شعريه ابي رايكم

السلام عليكم هذي قصه وكتبت فيها قصيده قصه حقيقيه :

من دون ذكر الاسامي حسب طلبهم

وحده مثل القمر عمرها 16 سنه حبت واحد عمره 18 سنه حب سنه وست شهور في بدايه العلاقه كان كله حب ورومانسيه وسالفهم كله براءه وفي الايام الاخيره ماكان يقولها حتى كلمه حبيبتي كان كله يسولفلها عن ربعه والبنت تمللت وقالتله كلنا نترك بعض وللاسف قالها اوكي وين الحب راح هذي البنت لها مشاعر واحاسيس واللي مايقدر المراء وش يطلع ابيكم انتم تجاوبوني؟

بشر ياللي تتنتظر يوم الفراق

قل تباعدنا ولايمكن نعود

بانت الصوره بقلبي يوم فاق

جرد الواقع سرابك يالجحود

كنت تزعلني وانا ارجيك الوفاق

هاقي ان الحب في قلبك يزود

لك وفيت بلا حدود ولا اتفاق

راح من عمري سنه وست شهور

معك من غير فود

يوم قلبي عن هوى غيرك امعاق

اخلصتلك وصنتك وجازيتك لهود

وكانوا اقربائي وغالين الرفاق

ضد حبك بس انا طبعي صمود

وانتهى المشوار واعلنت احتراق

حبنا اللي مات في عمر الورود

لا تجرحني جرحك العام ماطاب

ودي ابكي لين مايبقى دموع

ودي اشكي لين مايبقى كلام

من جروح صارت بقلبي تلوع

ومن همومي احرمت عيني المنام

انطفت في دنيتي كل الشموع

والهنا ما يوم في دنياي دام

ان شكيت الحال محد لي سموع ( تراني سمعتج)

وان شكيت الناس زادوني هموم

لا تعتذر هذي النهايه

ابعد وانا ابعد ماورى البعد ترجيع

ان قلت او ما قلت ردي كفايه

خل الفراق يحل كل المواضيع

ماتلتقي بالدرب غايه وغايه

الدرب واحد مايجي فيه تنويع

مادام كلن ماشي حسب رايه

انت وانا ندخل متاهات ونضيع

احسن لنا نبعد وننسى الحكايه

احسن ولا بالوهم نبني مشاريع

خيبت ظني فيك وانته منايه

حاولت اكمل بس مامنك فايده

وسلامتكم انشاءالله تعجبكم وتعجب اللي اطلبتها

وانشاءالله تلقى ولد الحلال اللي يقدرها

صح لسانك يا بدر
وتسلم على القصيده
كفيت و وفيت بها
عسانا ماننحرم منك يالغالي
لاعدمناك
تحياتي بطه متعوره