نبذه عن الشاعر حامد زيد ... وبعض من اشعاره ...

السلام عليكم

شلونكم....؟

نبذه عن الشاعر

الاسم : حامد زيد سعدون فارس العازمي

مواليد 4/فبراير/1977 للميلاد

الحاله الاجتماعيه : متزوج ولديه ثلاث بنات ( اسماء-ساره-ريم )

حاصل على شهاده دبلوم تجاري من كلية الدراسات التجاريه

عضو ديوانية شعراء النبط الكويتيه بدرجة شاعر ممتاز

موظف في وزارة الشؤون الاجتماعيه والعمل

كانت بدايته الاولى في الظهور عبر وسائل الاعلام من خلال البرنامج التلفزيوني (ديوانية شعراء النبط ) وذلك في اواخر عام 1996 للميلاد . والبدايه الفعليه بالصحافه من خلال مجلة المختلف في احتفالية العدد المؤوي وكان في نوفمبر 1999 للميلاد .

اطلقت عليه العديد من الالقاب من خلال الصحافه الشعبيه الخليجيه ومن اهم هذه الالقاب ( قنبلة الشعر, شاعر المختلف, شاعر الشباب, شاعر المطولات, شاعر الخناجر )

اقام العديد من الامسيات بالكويت ومن اهمها

امسية هلا فبراير بتاريخ 5 فبراير 2001 بمشاركة كل من الشاعرين : ضيدان بن قضعان وعياد الشمري

امسية هلا فبراير بتاريخ 9 فبراير 2002 بمشاركة كل من الشاعره بشاير الشيباني والشاعر حمد السعيد

امسية هلا فبراير بتاريخ 16 فبراير 2004 بمشاركة الشاعرخالد المريخي

امسية الهيئه العامه للشباب والرياضه بالتعاون مع جريدة السياسه فيه 12 يونيو 2000 وكان عريف الامسيه الاستاذ على المسعودي

امسية معرض الكتاب وكانت بمشاركة الشاعر رجا القحطاني فى عام ديسمبر 2000

الملحمه الوطنيه وكانت بمناسبة مرور عشر سنوات على تحرير الكويت واربعون سنه على الاستقلال وكانت بمشاركة عشر شعراء خمسه من الكويت وشاعر من كل دوله من دول مجلس التعاون وهم كل من :

(خلف بن هذال العتيبي) من المملكه العربيه السعوديه

(محمد عبدالعال) من مملكة البحرين

(هادي القحطاني) من دولة قطر

(خالد المعنى) من سلطنة عمان

(محمد المر) من دولة الامارات العربيه

ومن الكويت كل من :

(محمد عبيد العجمي)

(سعود الفهد)

(شنوف الهرشاني)

(طلال السعيد)

(وشاعرنا)

بالاضافة الى العديد من الامسيات والمهرجانات فى كثير من المحافل فى الكويت

ومن اهم الامسيات التي شارك بها الشاعر خارج دولة الكويت

أمسية مهرجان عباده وإستفاده فى المدينه المنوره فى 25 يونيو 2001

أمسية مهرجان صيف الطائف وكانت تحت رعاية الأمير / فيصل بن خالد بن عبدالعزير آل سعود بتاريخ 5 يوليو 2001

أمسية أتحاد طلبت الكويت بالقاهره في اكتوبر 2000

أمسية عنيزه في ختام مهرجان القصيم السياحي والتي وصل جمهورها الى 8000 شخص في تاريخ 31 يوليو 2003

أمسية ابوظبي في 15 إكتوبر 2003 تحت رعاية سمو الشيخ فلاح بن زايد بن سلطان آل نهيان

أمسية صيف أبها في7 أغسطس 2004 تحت رعاية الامير فيصل بن خالد بن عبدالعزيز

وله أربع إصدارات ديوان مقروء ويحمل اسم أربع خناجر

والبوم مسموع يحمل أسم شعر حامد زيد

وآخر يحمل أسم السفينه

والاخير شريط مشترك للشاعر حامد زيد والشاعر خالد المريخي

واسمه امسية هلا فبراير 2004
..................

.................

نبذه من قـصـائـده

التمثال

عفا الله عن غدر الظلوع والخناجر ابطال
بسامح واتركك في الظلام لحالك لحالك
دخيلك وفر دموعك ترا هدر الدموع ذلال
وترا ما فيه احد يصبر مثل صبري في غربالك
انا عيب علي انقض كلامي والرجال افعال
وان قلت ابقطع حبالك تراني ابقطع حبالك
عشان اكسب هدب عينك تجرعت العذاب اشكال
وليتك ترأف بحالي عشان ارأف بحالك
مسوي في حياتي شي ما يذكر ولا ينقال
حشى حتى العدو وهو العدو ما يعمل اعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لجلك وانا حملي يهد جبال
رحلت من العذاب وما وقفت الا على جالك
علامك كل ما اجيك متواضع جيتني تختال
معاك لمتى بصبر وصبري معك يحلا لك
مثل ما اقبلت لعيونك لزوم ترد لي بقبال
ومثل ما قد حشمتك حس واحشم قلبي اشوا لك
انا محدن بجابرني اساير معك هالمنوال
ترا لاني تبيع لك ولاني اصغر عيالك
انا جيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك
انا جيت بضمى عاشق تعب يطرد سراب الال
انا جيت استفتز رضاك من فرقاك ولجالك
انا ما همت بك عاقل انا كنت اعشقك بخبال
انا ما كنت احبك حي انا كنت اعقشقك هالك
تخيل من كثر ما اخاف تلقى للزعل مدخال
اخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك في قفاك وفي قبالك
ابي قلبك يحس انه فقد في محبته رجال
ملكته من هدب عين وخسرت رضاه بأهمالك
صحيح ان الفراق اقسى ولكن الوصال محال
وانا صعب علي ارضي غرورك واضعف قبالك
بعد ما حققت عيني في بعدك لرقاد آمال
اعود للسهر ياخوي فال الله ولا فالك
ببدل نظرتك فيني واجي لك كل يوم بحال
بكون اقرب من ثيابك عليك ولا تهيى لك
بلمك وانثرك واجمعك وارجع وانثرك بهمال
ابخونك وازعلك وارضيك وازعل منك وارضا لك
ابرسم بالثرى وجهك وبدفن صورتك برمال
ابشكي للعرب فرقاك واضحك عند عذال
ابهديك الوصال فراق واهديك الفراق وصال
بسوي مثل ما اشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا بذوق فنجالك
نصيحه واحتفظ فيها قصر معك الزمن او طال
ابي تسمع كلامي زين وتحطه على بالك
اذا حبك هبال اطفال الك عندي هبال اطفال
ولا وابشر بعد بهبال حباً ما هو بهبالك
واذا قصدك تهين اسمي عشان تشمت العذال
حشى لا انتا ولا غيرك ولا عشره من اشكالك

للأستمااااع

......................................

الحلم
فوقت من البطا وبليل تتراقص شياطينه
بعد شفت الظيا ينزع من ثياب المسا ثلثين
تحايلت المنام اللي مثل بيتج تمرنيه
وانا اللي من تفارقنا وانا ما غمضت لي عين
غريبه كل حلم يمر في رقادي تزورينه
والاغرب كيف احلم الحلم وارجع واحلمه بعدين
قبل يومين شفتج في المنام وقمت من حينه
ونمت امس ورجع نفس المنام اللي قبل يومين
انا اللي قبل اسافر شلت قلبي من سرايينه
تركته في يدج مثل الامانه واحفظيها زين
ترا حفظ الامانه دين مجبوره تردينه
اجل ما فيه احد جد قال لج رد الامانه دين
مرد المقفي بيلفي ويستوفي وتوفينه
بعد ليله ثلاثه اربعه عشره شهر شهرين
اذا انتي ما انتي قد الكلام اللي تقولينه
حرام استأمنج حاجه واذا جيت اطلبج تنسين
تخونين وتبين ارضى واحد يرضى تخونينه
انا لا جيت اخونج مع حبيبه ثانيه ترضين
من اول ما رجعت من السفر ما شفت لج بينه
وانا اللي كنت احسبج قبل لا ادوس ارض المطار تجين
تكونين انتي اول شخص تحتظن عينه
وكنت اتخيلج من زود فرحة رجعتي تبكين
واشوف في عيونج حكيج واعرفه قبل تحكينه
واجيب احلى من اللي بتحكينه واتركج تحكين
تقولين الوطن نور واقول بنور مظوينه
تقولين غديت احلى واقول عيونج الحلوين
كلام نام في شفاهج وخفتي لا تصحينه
ذخرتيه للغرام اللي ينام ويتركج تصحين
تغانمتي غيابي لين رجحتي موازينه
تعلم من يدج لمس الكفوف وعلمج تجفين
وليتج لاقيت به شي فيني ما تلاقينه
ما هو بغرور لكن خابرج مالج امل تلقين
تغافلج بغلا والا الحلا ما هو بمن زينه
وانا ماني بناقص عنه يوم انج تبدينه
نصيبي هو نصيبي لو يسددها من الصوبين
قنوع بمظهري والسم ما يذبح ثعابينه
على قول المثل ماني حلو لكن ما ني شين
اذا اهداج الزهر مره فأنا اهديتج بساتينه
واذا الهاج بفرح ليله فأنا تهت لبكاج سنين
واذا استضعفتج املاكه وشتتج ملايينه
انا حتى فتات الخبزه اقسمها معج نصين
طموحي بس اجي واظفر بشي تستحقينه
تدينته تسلفته سرقته مو مهم منين
كأني كثر ما ارضى بكل اللي تتمنينه
لو تطلبينالله يعنيني بقول آمين
انا ما العب على الحبلين وقت الطيش وسنينه
تبيني الحين يوم اني كبرت العب على الحبلين
ترا عند البدو بالذات عيب اللي تسوينه
حلاتج لاعشقتيني تعشقيني ليوم الدين
غرام نسكن ظلوعه حشيمه من مجانينه
جفى يجمع معزتنا ولا عشق يذل اثنين
كثار اللي تحدوني وقالوا تحبينه
امانه لا تخليني صغير في عينهم .. تكفين
لأني كل ما قالوا تخون اقول مسكينه
عليج الله وامانه علميهم من المسكين
انا خايف ليطاح الجمل تكثر سكاكينه
وانا ما عادت ظلوعي تتحمل طعنة السكين
مثل ما قالوا المكتوب واضح من عناوينه
لو ارحل منج للغربه بسافر من ظلامج وين
كفايه كل حلم يمر في رقادي تزورينه
كفايه وانا اللي من تفارقنا وانا ما غمضت لي عين
قبل يومين شفتج بالمنام وقمت من حينه
ونمت امس ورجع نفس المنام اللي قبل يومين

صرااحه فله اشعار حامد

مشكوور يالغلاع الموضووع
والقصايد

تقبل مرووري

اي صج كوول اشعاره عندنه شريط و نسمعه في السياره :P

ثنكيووو بو ملاك على الموضووع :)

يسلمو يالغلا
انا وحده من معجبين حامد زيد يعطيك العافيه

ما شاء الله عليه من شااعر

معرووف واشعاره رائعه

ودائما يتحفنا بالاجمل

يسلموـو خيو بو ملاكـ

ع النبذهـ والشعر

اللهـ يعطيك العافيهـ

ودمت ،،