ياابوي انا جيت والنفس ندمانه

اليوم يبت لكم قصيدة بصرااحة اتقطع القلب


عن ولد كان عاق ابوه وبعدين رجع ندماان





يا ابوي أنا جيت لك والنفس ندمانه
وفي القلب نار تشب وتشعل اشعالي
ولدك تاه الطريق وكثرت احزانه
وشرب المراره وغيره يشرب الحالي


رح خل ينفعك من طاوعت شيطانه
صاحبك راعي الوافي اللي ماله امثال
صديقك اللي يعدك ثالث اخوانه
وشلون خلاك وقت الضيق للصالي


يابوي عطفك رميت الروح بأحضانه
ونثرت دمعة سجين شاف الاهوال
لا عاد تذكرلي الماضي وخلانه
راحوا وشفني وحيد جالس لحالي



غرتك دنياك والايام خوانه
ورضيت فى الصحبه الحسنه بالانذال
واغضبت ابوك وفضحته بين جيرانه
ونزلت راسه وهو في ما مضى عالي



انت السبب في الخطا وانا ادفع اثمانه
اهملتني وانشغلت بجمع الاموال
خليتني للهوى وابليس واعوانه
يلعب بي الجهل من جال لياجالي



انا اجمع المال واتعب حيل من شانه
قرش على قرش وريال على ريال
واشري لك اللي تبي من وسط دكانه
وتختار سيارتك لو سعرها غالي


يا ابوي انا جيت والعينين غرقانه
تايب عن الذنب وارجي رحمة الوالي
السجن قطع فؤادي صمت جدرانه
وظلما زواياه عنها موت اشوالي



تعال ياروح ابوك ونبض وجدانه
لاعاد تشكي وتبكي يا بعد حالي
الذنب ذنبي وصار وشفت برهانه
وقررت اخلي الطمع واهتم بعيالي



استغفر الواحد المعبود سبحانه
ومن رفقت السوء احذر كل الاجيال


وانا اوصي الاب من فضله واحسانه
لا تشغله عن عياله كثر الاعمال





ردودكم شبااااب

ونتظرو المزيد مني

تحياتي



القصيدة للشاعر / ضاوي بن عايض العصيمي