::{ الزواج المبكر }:: هل هو أجابي أو سلبي ؟؟؟

بطه متعوره كتب:

زواج مبكر

انا رأيي مب شي لان مثل ماقلتي الواحد يبي بس يشبع حاجاته و مايهتم حق شي ثاني يتسلف و يبلش عمره
و اخرتها يقط المسؤليات ولايفتكر لان مايعرف يوازن حياته الزوجيه اهو توه صغير و ماهمه شي
و بعدين صج يطلعون من السكوول و مب مخلصين وماعنده الا شهاده ثنويه يمكن و شنو بيشتغل الحين الي مخلصين مافي لهم شغل فمابالج هذي
و حتى لو اشتغل معاش 120 و مع القرض الي ماخذه يادووب يبقى 80 دينار و هل شي مابيكفي
بعدين الزواج مسؤليه و مب لعب يهال
يعني باجر تزوج يبيله بيت و يبي مصرف له و لزوجته و تالي وراه عيال
لان اذا مافي فلوس بتصير مشاكل بيي الريال مطنقر البيت و يهد في زوجته هواش و طق في عياله طبعا حياتهم مأساه
يعني مب سهله

و اصلا يكون هو ماكتمل عقله و مايعرف يتصرف في الامور الزوجيه يعني تزوج عمره 20 لو 19 و لو حتى 17 ياخي زوجته جم عمرها اوكي نخلي الزوجه على صوب يمكن البنات يتحملون المسؤليه بس الصبيان ماعتقد

و بعد احس ان الواحد يتزوج و عمره 24 الى 30 يكون احسن يكون عقله اوكي و يعرف يوزن الامور و بيكون كون عمره و يعرف الحياه و شنو يايه
سووووري طولت عليج قلبي



يعطيج العافيه على الموضوع

تقبلي مروري

ولاهنتي

~*~ مزاجيه ~*~ كتب:

كل شي له سلبياته وايجابياته
الزواج المبكر له سلبيااته الكثيره
منها ان الصبي يتزوج لاشبااع رغباته..
وان البنت تقبل به بس لانها تبا تجرب الزوااج
والاثنين يكوونون عديمين مسؤوليه
يطلع من المدرسة ويشتغل يفرح بالزواج اول شهرين وبعدها هواش ومشاكل
المعااش يخلص في اول اسبوع ويروح لابوه ياخذ منه فلووس
ديوون ومشااكل ويهال ضايعين بينهم

وايجابياته ان يحافظ على الولد والبنت من الحراام
يعلمهم ان مو كل شي يبونه لازم يحصلون عليه بنفس الوقت
يخليهم يفكرون بكل خطوة قبل لا يسوونها
يحترمون مسؤولياتهم وما يستهتروون

اما عن سن الزواج بالنسبة لي عاادي بأي سن..
احيانا تحصلين ابو 17 سنه اعقل ويتحمل المسؤوليه اكثر من اللي عمره 30


سووري ادري هذرت وااايد
تقبلي مروري

خلك كووول كتب:

سلام

الزواج المبكر صحيح انه يحمي البنت والولد من الحرام

بس مو الكل قد المسؤولية

ناس وايد تكلمت فهالمضوع وراح احاول اختصر كلامي

اول شي السن المثالي بالنسبة للرجل بالزواج بالنسبة لي هو من 23 - 28 سنة يعني يكون ناضج كفاية وقد المسؤولية ومافي فارق كبير بينه وبين زوجته وبينه وبين الاولاد يفهم الحياة ويقدر الحياة الزوجية ومثل ما قلتوا خلص دراسة وحصل ووظيفة محترمة

اما بالنشسبة للبنت فان السن المناسب لها 20 فما فوق يعني مو ياهل وتفكر العرس فستان ابيض ودلع

لكل شيء في الحياة سلبيات وإيجابيات

أما عن نفسي لا أؤيد عمر الرجل المنزوج أن يكون 17أو18أو20وإنما من 27 أفضل وللمراة من 23

لأن الحياة الزوجية ليست لعبة وإشباع رغبات

الحنونة كتب:

لكل شيء في الحياة سلبيات وإيجابيات

أما عن نفسي لا أؤيد عمر الرجل المنزوج أن يكون 17أو18أو20وإنما من 27 أفضل وللمراة من 23

لأن الحياة الزوجية ليست لعبة وإشباع رغبات

انه من رايي انه مافي عيب في هالزواج احسن من يروح حق مفاتن الدنيا وييب له وحده بالحرام
هــــــــــــــــل تـــــؤيـــدون الــــــــزواج الـــمـــــبكــــــــــــــــــر ؟؟؟
اايد
وهل في الزواج المبكر سلبيات اكثر من الاجابيات او العكس ؟؟؟