" نـور .. مـهند " والقادم أعظم !!

أخواني و أخواتي ..
الشي إذا زاد عن حده إنقلب ضده وهذا إلي إحنا نشوفه الحين
مسلسل إنتشر في منطقة الخليج وبشكل ( غريب ) لدرجة إن الصغير والكبير صار
يتابعه ( خصوصاً الجنس الناعم ) بشغف كبير وبصورة غير طبيعية !!
مع إنك لو تركز شوي في مضمون القصة بتكتشف إن المسلسل عبارة عن
كلام فاضي ولف ودوران وخرابيط في خرابيط وترويج لسلعة ( بايره ) عن طريق دبلجتها
وبثها في قناة فضائية من القنوات إلي لها شعبية كبيرة في المنطقة
وإلي يزيد الطين بله إن الثقافه إلي يروج لها هالمسلسل ثقافه ( منحطة )
وإلي تابع حلقات المسلسل شاف إن بعض الحلقات تستصغر وتشجع مسألة
الشرب والتعاطي والعلاقات الغرامية المحرمة والحمل السفاح والخيانة وغيره من الأمور
إلي أستحي والله إني أذكرها في هالموضوع
والمصيبة الأعظم إن عدد من أبطال هالمسلسل صاروا مصدر إفتتان للبعض وإلي ممكن
توصل فيهم المسألة ( للعشق ) والعياذ بالله ..
الله المستعان ونسأل الله العفو والعافيه

للأسف إن هالمسلسلات القذرة صار لها قبول وترحيب في مجتمعنا وتغافلت
الجهات الرقابية عن الحد من إنتشار مثل هالسموم الفكرية الشيطانية إلي من الممكن
إنها تدمر جيل بأكمله

الباب صار مفتوح من أوسع أبوابه وإلي قاعد يصير شي ماهو سهل يا جماعة
الخير ومع الأيام بنشوف بدل المسلسل مسلسلات وسهرات وحفلات وبلاوي مالها
أول من آخر

وفي الأخير من راح يكون الضحية .. أنتوا أدرى !!!

أنا قلت رأيي وودي أسمع رايكم .. والموضوع منقول للفايدة !

تحياتي بطووهـ

الصرااحه ان اهل مسلسل ما اجوفه وانتي تدرين احسه فاشل
وماله داعي القصه بلايخه
مطولينها واهي قصريره
وبس اخلي الراي حق الي جافيو هل مسلسل

يس يس ادري انج ماتحبينه مثلي

قصه حدها بايخه مترجمينها و الاوادم مدمنين عليها

وننتظر الباقي

انه اجوفه بس اللي ابي اقوله ان هالمسلسل مافرض علينه انه غصب انجوفه وانه احنه عندنه ريموت كنترول في يدنه نقدر انطقطق فيه ونجوف اللي يعجبنه وبغض النظر على هالمسلسل في مسلسلات غيرها وايد اخس من هذي وترى الكل قاعد يتماشه مع الزمن اللي اهوه فيه وكل واحد وله رايه الشخصي والحين بعد يوم طلع ستار اكاديمي محد تحجه ومسجات لهم على كيف كيفك مع انه برنامج تافه وسخيف وبايخ واحنه مانستفيد منه شي غير ذي حلو وذي كريه ذي صوته اينن ذي صوته بايخ وغيره ... اللي ابي اوصله حق الكل مع اني اتابع همسلسل وانه اعرف شنو افكارهم وماطبقه يعني مابتعد عن هالمسلسل ان احنه في غزو ثقافي يعني اليهود لي بسوون لنه شي مابغصبونه بخلونه نسوي هالشي واحنه مانجدري عنه يعني الحين مثل مانجوف صار لبسنه لبس الاجانب وماخذين ستايلاتهم نفس يوم طلعت في ستار اكاديمي الكبابيس صارو الكل في المدرسه يتمشه بكبابيس والشعر مفلول المهم شكلي وايد طولة وفي النهايه كل واحد وله رايه

اممم شووفي خيتوو عني وحده ما حبيته يعني شفت حلقه منه وما عجبني وعلى طوول البناات يحنون عليي شوفيه بيعجبش واشووف الكبير والصغير يمدح فيه حتى عندي عمه وقت اللي يحطونه بس خلااص يخسي واحد يكلمهاا وتلغي كل طلعاتها عليه كأنه مسوي فيهم شيء ،، بس نااس قالوا حتى انه حراام وما يجووز يطالعونه وكل ناس طلعوا فتوه من عندهم ، بس في رايي كل واحد عقله في راسه يخسر وقت على الفاااضي في شيء باايخ ما ليه اي معنى ،، واللي جااذب الناس فيه سوالف الغراام وخصوصا المراهقين ،، والله يهدينه ويهدي الجميع انشا الله والشيء الاول والاخير يرجع الى الشخص نفسه حسب تقبله الى هالنوع من المسلسلات وبالذاات هذاا اللي صار مسلسل العصر وعلى كلام بعض النااس اللي ما يشووفه يفوته نص عمره (( الله يكفينيه هالعقوول ))

يسلموـو خيتو

اللهـ يعطيش العافيهـ

ودمتِ ،،

بنت الجيران تسلمين قلبي على رايج وصح كلامج

و الورده الحمره يعطيج العافيه على المرور و تسلمين على رايج قلبي

و صح كلامكم والله

انا من متابعين المسلسل " المدمنين " مثل ما تقولون يعني اذا يوم طلعت وما شفت الحلقة يوم ثاني اشوف الاعادة مع انها ما تصير احداث وايد فيها

بصراحة انا اطالعه تسلية وتمضية وقت لاني وحدة فاضية وما عندي شئ

وهو صح مثل ما قلتوا ينشر افكار مو من الدين ولا من عاداتنا مثل الخمور والعلاقات المحرمة بين الرجل والمراة و.........

لكن احنا في ايدنا نتكحكم في الاشياء الي نبي نشوفها يعني الرموت على طول في الايد وما اسمح لطفل انه يقعد يشوفه وياي لانهم اكثر فئة ممكن يتاثرون فيه

اما مسالة العشق والاعجاب والتشبه فيهم فهاذي خرابيط واسمحوا ليي هاي الناس عقولهم صغيرة يعني مهما يكون هذا كله تمثيل × تمثيل ليش نتاثر فيه لهالدرجة وليش نحب هالممثل او غيره في النهاية عاي مو شخصيته الحقيقية ها شخصية مرسومة لبطل القصة

والمفترض ان احنا ناس نفكر في الشئ قبل ما نشوفه يعني حتى لو شفته وصرت اتاثر فيه بشكل سلبي لازم امتنع عنه يعني اراقب نفسي واطورها للافضل مو للاسوا

تسلمين قلبي على المرور و الرد

ويمكن انتي تقولين جذي ورايج غير واايد عن الناس

لان انا اعرف بنات و صبيان بعد مدمنين بطريقه ماتتصورين لدرجه انهم يحملون الحلقات من النت و يتابعون اخبار مهند و نور على الحقيقه و سافروا تركيا بس علشانهم

الناس اطباع و انواع و مو كلهم مثل طبعج

نورتي صفحتي يالغاليه

صح عدنا ريموت كنترول وبنتحكم فيه ...

لكن من الأساس هل تشعرون بأن هنناك أهميه لمشاهدنه؟؟؟؟؟؟؟؟ :t60:

أليس مضيعا للوقت والهدف والغايه؟؟؟

العالم في تطور بدل من متابعتنا لبرامج هادفة وبناءة تفيدنا وتطور من معلوماتنا ,نضيع الوقت بلا فائدة مرجوة؟؟؟

تقبلوا مروري , شاكرة لكم على مناقشة هذا الموضوع لأنه ينم عن حرصكم للدين والعقيدة والمفاهيم الأسلاميه والعلميه. هدانا الله جميعا ورضى الله عنا آمــــــــــــــــــــــــــــــين

آآمين يارب

حياج الله قلبي
وعلاعدمنا مرورج الغاوي

يسلموو ع الموضوع
واعتذر لكل اللي يحبون هالمسلسل لانهم بنظري هبلان وما عندهم سالفه
شوو بيستفيدون وهم يطالعون وحده تقول لرجال غريب عنها مشاكلها مع زوجها!!
شو بيستفيدون من وجود الريموت بيدهم وهم ما بيبدلونه لو شو ما صاار في المسلسل!!؟
يسكروون ويلبسوون ثياب افضل اني اسميها " اقمشة غير ساترة" تكشف اكثر من اللي تستره
واحد يخوون زوجته.. واحد متزوح بالسر على زوجته.. تجارة مخدرات.. وغيرها من بلاوي
بكل بساطه هالمسلسل مجرد غزوو لعقولنا وتدمير لعادتنا وتقاليدنا.. بس علشان يكرهون الشباب والمراهقين في الاسلاام
لانه يمنع هالاشياء لانها مضرة.. ومو بس هو حتى المسلسل الثاني " سنوات الضياع" .. مهزله هالمسلسلين
لدرجه ان وصلت المواصيل فيهم ان الزوجه تقول لزوجها احب مهند واحب يحيى" بطل سنوات الضياع" وتوصل للطلاق
بسبب ممثلين وقصص مالها معنى..اعتذر لاني طولت بهذرتي بس هالمسلسلات جد تافهه والكل متعرض لخطرها مو بس
المراهقين واليهاال..

تقبلي مروري

تعجبني مزاجيه t28

وكلامج صح اصلا ريموت ولالا مايفروونه و مو مهتمين
وهذا غزوو للعقول
مشكووره على المرور وماطولتي غناتي

حياج الله

الصراحه مابطول عليكم مسلسل بايخ ماله معنه جوفو سعدون او فكو روحكم

خخخخخخخخخ
اي والله سعدون
مشكور قادفاذر على مرور
تسلم لنه يالغالي