أختك تحب ........؟؟!!

السلام عليكم

ماذا سيكون شعورك\كِ عندما يخبرك شخص ما بأن أختك تحب فلان من الناس وهي مرتبطة به سواء كان ذلك بالمسنجر،أو بالموبايل ، أو تطورت العلاقة وبدات بالخرج معه؟

وماذا ستكون ردة فعلك عندها ؟

كيف ستتصرف ؟

الى من ستلجأ؟

ما هي نظرتك إليها؟ولماذا؟

بانتظار الردود

مشكوره على الموضوع المميز

نظرتي لاختي مابتتغير لاني اثق فيها

بس بحاول اكلمها و يمكن اكلم الي تحبه واجوف اذا اهوه صادق ولا يلعب عليها و بحاول انصحها و اخليها تسوي شي صح يعني ماتغلط
واذا اهيا ماسمعت لي طبعا اكيد باقول حق ابوي لان الصراحه ابوي بيعرف شلون يتصرف وياها و يحل الموضوع بدون عنف
ولا مشاكل

و لاهنتي على الطرح تقبلي مروري

تصدقيين عااد البارحه كنت اتكلم ويا اختي بنفس السالفه

اول شي لازم اعرف السبب اللي خلااها تكلمه وتتعرف عليه
بعدين رااح اكلمها وانصحها..علشاان تترك هذا الطريج
لانه حتى لو تزوجة من هالانساان بتظل نقطة سوداء بحياتها..
ورااح يغزو الشك حياتهم في النهاية
واذا ما سمعت لي بكلم امي او ابووي يتفاهمون وياها..لانها بنتهم واكييد بيعرفون لها

ونظرتي لها ما رااح تتغير.. لان الكل يغلط ومحد معصوم عن الغلط

يسلموو ع طرح الموضوع
تقبلي مروري

بطة ، مزاجية أشكركم عل المرور

ومثل ما قلتم أهم شي أن نظرتنا لها ما تتغير وما نحسسها أنها سوت شي يصغرها في نظرنا بالعكس لازم نوقف معاها ونتفهمها ونحاول نعرف اساس المشكلة ونوضح لها اهم النتايج حق هذا العمل الي قاعدة تسويه

المفترض ان الوالدين يكونون بمثابة اصدقاء لابنائهم خصوصا في مرحلة المراهقة و الشباب لانهممحتاجين لهم فشئ اكيد ان نعرض الموضوع عليهم اذا كانوا متفهمين اما اذا كانوا بيقلبون الدنيا فاافضل ان نخبر واحد من الاخوة الكبار يكون متفاهم مو عصبي بحيث يقدر يملك أعصابه

وينكم يا شباب نحب نسمع ارائكم

اول شي يمكن انصدم بالبدايه
بس بعدسن بروح اكلمها
وبعرف اهي تكلم من وبحاول انصحها واذا كان الولد يقص عليها شغله عندي بيكون<< قويه
وبعدين ان ااعرف اختي اكثر من انه اعرف نفسي واذا السالفه مافي لها حل مافي الا غير ابوي لانهاهو خبير ويعرف يتصرف
وبس

سلام

أشكرك على المرور تاكسي

((وبعدين ان ااعرف اختي اكثر من انه اعرف نفسي واذا السالفه مافي لها حل مافي الا غير ابوي لانهاهو خبير ويعرف يتصرف))

المفروض أن الاخوات يكونون قريبين من بعض لان هم الا بيحسون ببعض ويقدرون يوثقون في بعض وهم مطمنين ان ما راح احد يخونهم

واعتقد ان من الافضل اذا وحدة عندها اخت وطاحت في اي مشكلة من اي نوع انها تخبرها وتستشيرها لان الخوات قلوبهم على بعض

ماذا سيكون شعورك\كِ عندما يخبرك شخص ما بأن أختك تحب فلان من الناس وهي مرتبطة به سواء كان ذلك بالمسنجر،أو بالموبايل ، أو تطورت العلاقة وبدات بالخرج معه؟
يمكن انصدم اول شيء

وماذا ستكون ردة فعلك عندها ؟
اول شيء بحاول اعرف من هالشخص ووش نيته من وره هالشيء وبعدين بحاول اسألهاا وعرف منها كل شيء شلون تعرفت عليه وشلون كلمته ووو

كيف ستتصرف ؟
اذا كان صدق يحبهاا ما عندي مانع بهالشيء بس اذا حسيت انه يلعب عليهاا مايلوم الا نفسه ذيك الحزه

الى من ستلجأ؟
اكييييييييد امي ،، لانه الخياار عندي ياا امي يا ابويي وامي اقدر اتفاهم وياها اكثر من ابويي

يسلمووـو ع الموضوع

ودمتِ ،،

أشكرك الوردة الحمراء على الرد الرائع

الظاهر ان البنات بيتفهمون

وينكم يا شباب

والله خاطرنا نشوف راي واحد من الشباب

وينكم

كل اللي اقوله انكم كفيتو في الاجابات يعني انه معاكم راح اكلمها وافهمها بهداوه واعرف منها الموضوع

اي كفيتو فلجاباات

ملاحظه .. انت حبيبي خلك كول لون الموضوع ابط العين لاتحط هلون مانعرف نقره