أغليك وأحبك

تزعل علي واجيك كلي .. وأراضيك
ماودي انـك يـوم تزعـل عليّـه
اغليك واحبّك .. واعزّك واداريـك
ومحبتـك خلقـه .. ولاهـي بديّـه
تزعل بدون اسباب .. ماقلت وشفيك
وانا ادري اني .. مابديـت بخطيّـه
تاخذ كلام الجد .. عـادي تماتيـك
وتاخذ كلام المزح .. نـار ولضيّـه
وانا هقاويـي .. تشابـه هقاويـك
ماهيـب بيدينـك .. ولاهـي بديّـه
ابكي وتضحكني .. وتضحك وابكيك
والكل يعرف .. وش تمنّـا خويّـه
أطبوعنا مع بعضنا .. دايـمٍ هيـك
وقلوبنا عن بعضنـا .. عنصريّـه
وحبك بدا فيني .. وحبي بـدا فيـك
وعنادنـا عـوّد .. عليـك وعليّـه
وايامنا تذعر .. عسـا الله يعافيـك
واحلامنا تكبـر .. أشويّـه أشويّـه
لاتضيّع قلوب المحبيـن .. بيديـك
قلبـي وقلبـك .. بالمحبّـه سويّـه
تـرا التكبـر والتغلـي .. يخليـك
في عين من يهواك .. ذنب وخطيّه
تعال واجه .. من بدنيـاه شاريـك
من سبتك صـارت عيونـه شقيّـه
امّا تقول انهى العلاقات .. وانهيـك
والا تبادلنـا .. الحـيـاه الهنـيّـه
قلبك يجيبك لي .. وعنادك يوديـك
لا يافلان .. وشلون حسنه وسيّـه
و اغليك واحبّك .. واعزّك واداريك
ومحبتـك خلقـه .. ولاهـي بديّـه

سلمت يمناك

يعطيك العافيه على هل ابيات

و واصل ابداعك

تحياتيـ بطه متعوره

يعطيج العافيه بطه متعوره على المرور ولا تحرمينا من مرورج

روووعه
وصح لسانك بدر

رووعه والله
مشالله عليك

صح لساانك اخووي
يسلموو اخووي ع الكلمات الروعه

نتريا يديدك.. تقبل مروري

الله يعطيك العافيه على هالكلمات الروعه