.. تعلم الشل ع تايرين ..

بـــسم الله الرحمن الرحيم
السلام عليكم ورحمه الله وبركاته
شششششحالكم ؟
أخباركمـ ؟
الموضوع من عنوانه
.. تعلم الشل ع تايرين ..
كيف تشل علي تايرين ((نيسان))

1_اول شي لازم يكونن التواير 900
2_نوعيه التاير 900 ينقسم الي قسمين play6 و play8
وانتو لاحظو على التاير على الجنب بيكون مكتوب عليه يا سته او ثمانيه .
3_ اذا كان نوعيه التاير سته بلي لازم تعبي التواير 65 اما اذا كان ثمانيه بلي لازم تعبيه 85 لا تخافون يستحمل و ما بينقع حتى لو وصلته 90 و تقدر تشتري مكينه مالت الهوى من محلات الزينه بس عقب ما تخلص شل تخف الهوى .
4_ النيسان احسن شي حق الشل و خاصه الفتك (رأي شخصي ) .. وعندك الستاندر بعد فنتك
5_ لازم تسير فدوار او مكان واسع محد ايه علشان محد يخرب عليك
6_تحطه فقير ثلاثه و تكون على سرعه 70_80 و تكسر عليه مره وحده من تشوفه اشتل ودر ريلك عن الريس و مشيه على سرعه 40 او 45 .
7_ لازم التواير ما يكون فيهن بولش (بولش= بخاخ تلميع التواير )
8_ الشل الصراحه سهل و من ابسط ما يكون بس انته اول ما تي تشل بتكون خايف بس مع الايام انشالله بتتعلم اول شي بتبتدي تعرف التاير الي قدام و مع الايام التايرين و الشل يباله واحد ما يخاف و يصبر مب انه ما اشتل وايد يعصب لازم تبتدي خطوه خطوه
9_ لا تستخدم الدف لك في الشل لانه يخرب الدفريشن و يستحب انه يكونو راكبين وياك 3 او اربعه علشان يكون اثبت
10_ سوال يطرح نفسه هل في احتمال ان النيسان ينقلب من الشل ؟؟
الجواب: نادر من ان النيسان ينجلب من الشل اذا اتبع التعليمات الصحيحه انه ما يكون حاط على التواير بولش و يوم يشتل النيسان ما يتم على ريسه اذا تم على ريسه اكيد بينجلب لازم يوم يشتل يشل ريله عن الريس
ملاحظه : كل ما عبيت التاير هوى اكثر كل ما كان احسن حق الشل يعني تاير النيسان لازم يكون شكله مثل حرف U من ع الطرف ..
وان شاء الله وصلتكلكم المعلومه
وتحذير هام : مب كل واحد شل قال انا حريف لازم تحذر شوي
والسموحه ..
يالله كل واحد يطبق
ومن عقب يصور لنا تطبيقه
خخخخخخ
هيه امزح ..
انا هب مسؤول عن الأضرار الناتجه لووول ..

شاكر لك اخوي بس نسيت شي وهو انه يتحكم عدل بالسكان
ويتم ماسكه وما يخاف

وإلا فقد كلشي
واذا حس انه بينجلب يفره باتجاه الشل
يعني اذا كان شال على الجهة اليمين وحس انه بينقلب يفر السكان يمين والعكس صحيح

تحياتي،،،،

وييييييييي والله حاله

ثنكس بو ملاك
بس والله حركات
لاتجربها عاد t25

يعطيكم العافيه على هذي الردود

والله لا يحرمني منكم