.:: قوانين Taxi همس القوافي ::.

السلام عليكم والرحمه

يسعد صباحكم / مساكم اعزائي :

في موضوع هام حبيت اطلعكم عليه , مثل ماتعرفون ان قسم الشعر والخواطر هو من الاقسام

الحيويه في المنتدى لانه يعكس احاسيس ومشاعر اصحاب القصايد والخواطر وتفاعل القارئين

معاها , لذا حبيت انه نغير النمط التقليدي للردود مثل ( صح الله لسانك , يعطيك العافيه , كلمات

روعه .... الخ ) .

ابي نطلع من هالنطاق الضيق الى نطاق اكبر واوسع لاني احس ان الردود التقليديه بعض الاحيان

يمكن تظلم صاحب ( القصيده , الخاطره ) اللي لما نشرها كان وده حد يشاطره احاسيسه ومشاعره

او يحسسه على الاقل انه قرا وفهم الشي اللي يبي يوصله صاحبها .

وانا اليوم باذن الله ببتدي بنفسي واتمنى تحذون حذوي وتسيرون على نفس المنهج في ان احنا

نرتقي بمنهجية الردود يعني مثلا نحاور صاحب القصيده او الخاطره في اللي كتبه او انه على الاقل

نعلق عليها بمنظورنا الشخصي وتصورنا الادبي ولو بشكل مبسط عشان نحس بطم الادب الحقيقي (يعني مثلا نذكر مواطن القوه او الضعف او وين نحس ان الاحساس كان على اشده ... الخ) .

ادري يمكن طولت عليكم اعزائي بس الداعي هو اثراء روح الادب بداخلنا على الرغم من اني متاكد

انكم متذوقين رائعين للادب بكافه صوره وشتى اشكاله .

يعطيكم ربي الف عافيه

تحياتي