الشباب اتحصل مواترهم جير عادي لا و جير 1 مكسور مسكين كان ايداعس و بدال ما ايركبه ف 3 رده واحد من العيله اللي فيه
البنت طبعا ما اتعرف للجير العادي ولا تبى تتعلم ما فيها ع الكلج مسكينه ف عندها جير تماتيك
تعال شوف البترول طبعا التانكي الصغير مفضي عند الشباب و العود شويه فوق الإي تقوله ليش ايقولك احسن عشان اخف الوزن يمكن اداعس ويا حد
لكن البنت عيب مب التانكيين فل مسكينه افرض طلعت و خلص البترول
الشباب اتحصلهم امركبين تواير زينه لا و مسحته رايحه ف عينها التواير ههههه و منزلين الموتر و لا رافعينه
لكن البنت اتحصلها بتواير الوكاله و رنجات الوكاله 17
الشباب مره اتحصل موترهم بمخفي و مره بدون مخفي عشان ايغيرون شكل الموتر صالخين عمارهم من الحر
لكن البنت مخفيها قوي مسكينه اتخاف ع بشرتها ما يستوي اتحطي فير آند لفلي و اتعرض عمرها للشمس يعني ما سوت شي و بعدين يوم بتشوف حد عنده رنج مثلا بتنزل الجامه نص و بطلع شعرها بس بتعب راعي الرنج
مواتر الشباب اتحصله و هو طايف ايقول بغغغغغغ اتقول موستنج عنده الحبيب
لكن البنت تبى هدوء من تسمع حس ف الموتر لو ادناة الدون على طول اتوديه لاخوها ولا ابوها ولا ريلها
الشباب اذا حصلت موترهم خربان و طايح ف الوكاله اعرف ان الموتر بعده ع الضمان ولا من ايخلص الضمان ايخسي ايطب الوكاله ولا الصناعيه ولا مصفح
لكن البنت لا منو ايقول لو حتى الليت اخترب على طول الوكاله
تعالوا انسير داخل الموتر
الشباب بتحصل ف صندوق الموتر ثيابهم و غترهم و نعلتهم عزكم الله
اما البنت بتحصلها حاطه دباديب و ورود و عطور بعدها ما استعملتهن و كلهن ماركات و من باريس جلري
الثلاجه ههههه طبعا الشباب ولا جنه عندهم ثلاجه كلها سكاريب و ليتات تشتغل ابطارية السياره عشان الفلتر يمكن ايطيح ولا شي و عقب يتوهق لا فج البونيت و عدل بروحك
البنت ثلاجتها كلها متروسه سنكرس و جلكسي و مارس و عصير و مدلعه عمرها
هههه سدة مواتركم الشباب هههه ما انصحكم تفتحونها كلها استكرات ولا دهن عود منجب من 7 شهور الموتر ناسي يغسله و بتحصل براغي و هالسوالف
البنات تعب بتحصل عندها المكياج و هالسوالف ف السده اتعرفون بعد يمكن واعدت ترد البيت عشان المكياج لا ما يستوي تروح لصديقتها بدون مكياج هههه بتخاف مسكينه ما بيبات الليل ف عدتها ف السياره
المنظره اللي ف النص اللي تراويك السيايير اللي وراك مال الشباب بتحصل معلق عليها سجين ولا جمجمه ولا عظمه يعني شي ايسبب الرعب
البنت بتحصلها معلقه قلب ولا دبدوب صغير و بتحصلها حاطه صورة بنت اخوها الصغيره ولا ولد اختها يعني حد من صغارية البيت
هههه تبى اتعرف شو اشرطة الشباب و شنو يتسمعون . بتحصل عندهم (علي بحروالشموع وجلسات واغاني انجليزيه مايفهمون معانيه)ا
ما ارضى عليهم البنات طبعا ما يسمعون هالاشكال بتحصل عندها راشد الماجد و عبدالمجيد و نوال الكويتيه و سلمان حميد مال نجوم الخليج طبعا هذا حبيبها و كانت اتصوت له
الشباب تارسين الطبلون ستكرات الحبايب يتحسبون عندهم جيتي
اما البنت بتحصلها فارشه شي ع الطبلون و لا ايكون احمر ولا وردي
آخر شي الشباب احسن من البنات ف شي واحد بس و اللي هو انك بتحصل مواترهم امغسله و نظيفه و امبلس توايره الحبيب
اما البنت هههه الله يعينها بمبرها اللي ورا مكسور مسكينه اخوها كان ماخذ الموتر ف الليل و بركنه غلط و يوم يت تبى اطلع الموتر ما قدرت وردت ع النخله ريوس طبعا هي مب غلطانه لا اخوها ما ايعرف ايبركن و بتحصل موترها في 67 صبغه مسكينه هاك اليوم واحد لاف عليها (ومن هناك هي لافه ع الريال ) و لا مره كانت امطلعه الموتر من البيت و شحفت الباب مب منها بيتهم ضيج و ما فيه مكان ولا هي اتعرف اتسوق
شو رايكم ههههههه
بس أتمنى محد يزعل
